FRITES Belgium on Tap (海濱匯)

营业中

休息中

星期三，mid week，唔知食乜好，朋友介绍去观塘海滨汇，平时都唔会谂到夜晚会嚟呢头食饭，因为感觉好似冇乜出名嘅餐厅，点知原来海滨汇有呢间餐厅，所以就试，入到去其实冇乜人，而地方都好干净阔落。呢个系吞拿鱼他他，非常好味，个mix同片青瓜一齐食都可以，仲更清甜，配搭做得好好，虾片亦好脆。大虾cocktail杯，比得上酒店食嘅质素，非常新鲜及个沙律做得好好食。呢个蚬好多人叫嚟食，我谂都算系厨师推介，个汤汁点个包嚟食，就可以饮到啲汤，好热辣辣及浓香，真系好好味。但为免食包食到饱哂，所以冇再叫啲包嚟点汁。个薯条都系新鲜整，好大份量，但又系因为要留肚，冇食哂。呢个意粉就一般，可能我唔钟意佢啲肉。呢个压轴嘅龙虾饭应该系必食之选，我平时唔系咁钟意食Risotto，但见佢𠮶样几靓就叫一个，一嚟到已非常香喷喷，再食一啖细嘅饭加啲龙虾肉，一啲都唔腻滞，虽然已饱饱哋，但佢实在整得好味，一啖又一啖之下就成碟食哂。两个人叫咗以上咁多嘢食再加三杯Prosecco，埋单$1,200蚊度。