泰聚 (已搬遷) 新店位置

今晚放工约左朋友过去花墟买花，买完之后就谂住喺附近揾食，行行下近佢屋企楼下有间泰国菜，佢话试过下午茶未试过夜晚，唔想再行黎行去嘅我就决定入去试下佢喇！可能六点半时间尚早无乜人，感觉好宽阔环境唔错！睇返餐牌都几多选择，主菜我哋叫咗盐烧活鲜鱼(乌头)、泰式炒杂菜、金柚子虾球沙律饮品方面叫咗原只菠萝沙冰同火龙果沙冰，只能够说两杯都好fresh，好真实有菠萝同火龙果嘅香味，清甜嘅感觉！唔似有啲地方用糖水做出嚟好甜好假咁！值得试吓！金柚子虾球沙律上枱已经觉得好靓，因为用咗整个柚子当碗咁，好可爱！只虾好爽好新鲜，味道好清甜，用咗个甜甜哋嘅汁捞埋一齐食，好味到停唔到口！泰式炒杂菜一啲都唔油，菜种类好多，又有菇相伴，厨师亦炒得非常爽口！盐烧活鲜鱼(乌头)用左盐烧方法就唔会浪费咗新鲜鱼嘅原汁原味，好滑好鲜，时间烧得恰到好处，配埋佢个秘制酸辣汁都不错！但我个人都系比较喜欢原本嘅味道！朋友想食埋甜品，唔想出去揾就喺度叫埋！叫咗个椰汁西米榚，好有椰奶味道，唔太甜！整体唔错，服务态度亦都好好，今次两个人试得唔多款式，同朋友已讲好下次嚟试埋明炉鲜鱼同咖喱卡农包~