影片
更多
2023-08-03
116 浏览
丽豪酒店喺沙田区出名嘅老牌酒店。以前住响沙田区嘅我，一次都冇去过。今次受到沙田友嘅朋友，心血来潮嘅邀请，试吓丽豪酒店入面，濠餐厅嘅自助餐。餐厅地方好阔落，而且好多家庭客，一家大细嚟食，所以环境好热闹。嘢食种类方面，有好Standard嘅冷盘同埋叶盘。首先前菜梗系要识下啲沙律先，另外都有生果。最钟意系有新鲜菠萝，食定多啲强化肠胃。冷盘有寿司，又有刺身。刺身种类有三样：三文鱼、吞拿鱼同埋鲷鱼。另外唔少得嘅，梗系海鲜，有海蚬、澳洲海虾、青口、长脚蟹。所有冷盘都好新鲜，我钟情长脚蟹，同朋友食咗成碟。比较起冷盘，我钟意热盘多啲。最普通嘅，有中式炒粉面饭。重点要讲嘅系澳门主题嘅食物，真系值得一赞。例如佢嘅葡国咖喱杂菜同埋咖喱鸡，咖喱汁落足香料，配上白饭，味道一流。另外澳门制法嘅斩料，例如油鸡同埋乳猪，佢哋嘅制法系用咗澳门嘅酱汁，所以同平时响香港食到嘅斩料，口感不同。我觉得呢个自助餐有好多特色，出边系揾唔到。例如我一坐低嘅时候已经发现咗张枱有一个打边炉嘅铁锅。后来我行到出去，就发现原来系可以自己挑选打边炉嘅食物，然后同职员讲话要打边炉，职员就会将汤底送去你张枱，同埋帮你点火。汤底系澳门土生姜鸡药膳汤
餐厅地方好阔落，而且好多家庭客，一家大细嚟食，所以环境好热闹。嘢食种类方面，有好Standard嘅冷盘同埋叶盘。
首先前菜梗系要识下啲沙律先，另外都有生果。最钟意系有新鲜菠萝，食定多啲强化肠胃。
冷盘有寿司，又有刺身。刺身种类有三样：三文鱼、吞拿鱼同埋鲷鱼。
另外唔少得嘅，梗系海鲜，有海蚬、澳洲海虾、青口、长脚蟹。所有冷盘都好新鲜，我钟情长脚蟹，同朋友食咗成碟。
比较起冷盘，我钟意热盘多啲。
最普通嘅，有中式炒粉面饭。重点要讲嘅系澳门主题嘅食物，真系值得一赞。
例如佢嘅葡国咖喱杂菜同埋咖喱鸡，咖喱汁落足香料，配上白饭，味道一流。
另外澳门制法嘅斩料，例如油鸡同埋乳猪，佢哋嘅制法系用咗澳门嘅酱汁，所以同平时响香港食到嘅斩料，口感不同。
我觉得呢个自助餐有好多特色，出边系揾唔到。例如我一坐低嘅时候已经发现咗张枱有一个打边炉嘅铁锅。后来我行到出去，就发现原来系可以自己挑选打边炉嘅食物，然后同职员讲话要打边炉，职员就会将汤底送去你张枱，同埋帮你点火。汤底系澳门土生姜鸡药膳汤，打边炉嘅配料，除咗有普通嘅肉丸、蔬菜，亦都有贵价小小嘅肥牛同埋鱿鱼。一路食自助餐，一路烚吓烚吓打边炉，呢个体验真系第一次。
食到咁上下，突然间听到有铜铃嘅响声，原来厨师退咗个火焰雪山蛋糕出嚟。好多小朋友冲咗出嚟排队攞蛋糕。睇住一个大嘅雪山蛋糕着火，大家都好high。原来个雪山蛋糕入边系雪糕，唔太甜腻，好食。
再过咗一阵，职员将朱古力火锅，派去每一个餐桌。职员话可以用生果同埋棉花糖去食呢个火锅，我哋就用咗Movenpick嘅雪糕，自己切一嚿嚿咁样点朱古力食。真系好惊喜，实在太浪漫了💕
其实外面都有好多精致嘅酒店式甜品，蛋糕仔同澳门嘅木糠布甸。但系食完呢个朱古力火锅之后，想试都冇咁大个胃了。
总括而言，我都几满意今次嘅自助餐，因为而家七八月op做紧优惠。除咗价钱上好实惠，我都好欣赏餐厅比嘅惊喜，简直系一浪接一浪。其实自助餐嘅食物周围都系咁上下，就系呢啲小小嘅惊喜，令成个食嘢嘅过程开心咗好多。我都冇谂过身为沙田友，今日竟然系我第一次嚟丽豪酒店，得到一个好开心嘅体验。相逢恨晚，我会再多啲嚟食吓嘢😆
张贴
