影片
更多
2019-01-04
503 浏览
难得约到姊妹一聚，天气又冻咗，喺佢提议带路下，第一次嚟到呢间专食火锅嘅餐厅一去到，虽然已经预先拎咗筹，但客人始终多，同朋友都系要等一阵位，好在门口已经睇到餐牌，可以趁等位时睇定食乜有好几种汤底，仲有分唔同时限，同埋定量肉/任食肉，蔬菜及其他配料饮品属自助放题形式本身餐牌上嘅肉系牛肉，但侍应细心地提示可以改成豚肉，对牛肉一般嘅我，即刻毫不犹豫要豚肉餐厅阵设简明，有大枱及分间隔嘅细枱，不论系一班人围埋一炉，定独立一人一锅，都可以各适其适侍应喺我哋等位时先问定要咩汤底食边款SET，提早准备定，等我哋一埋位就上枱我同朋友咁啱被安排坐大卡位，好舒服，LUCKY~我拣咗未食过嘅豆乳汤底，朋友就拣猪骨汤底店方用咗一个分两格嘅大火锅煲，一煲两味而且煲嘅材质导热但摸落完全感觉唔到热度，十分安全放低随身物品，急不及待就去拎配料长长嘅吧枱，放满林林总总嘅火锅食材，有面有薯粉乌冬芋丝，各式迷你丸类、竹轮、脆皮肠、年糕、芝士豆腐，素菜更丰富，芽菜生菜油麦菜菇菌洋葱豆卜豆腐……应有尽有，净系睇见已经不自觉心花怒放一路横扫之际，其中一款食材，吸引住我嘅焦点，令我不禁停低脚步……久仰大名啊！羽衣甘蓝！印象中曾经见过有
喺佢提议带路下，第一次嚟到呢间专食火锅嘅餐厅
一去到，虽然已经预先拎咗筹，但客人始终多，
同朋友都系要等一阵位，好在门口已经睇到餐牌，
可以趁等位时睇定食乜
有好几种汤底，仲有分唔同时限，同埋定量肉/任食肉，
蔬菜及其他配料饮品属自助放题形式
本身餐牌上嘅肉系牛肉，但侍应细心地提示可以改成豚肉，
对牛肉一般嘅我，即刻毫不犹豫要豚肉
餐厅阵设简明，有大枱及分间隔嘅细枱，
不论系一班人围埋一炉，定独立一人一锅，都可以各适其适
侍应喺我哋等位时先问定要咩汤底食边款SET，
提早准备定，等我哋一埋位就上枱
我同朋友咁啱被安排坐大卡位，好舒服，LUCKY~
我拣咗未食过嘅豆乳汤底，朋友就拣猪骨汤底
店方用咗一个分两格嘅大火锅煲，一煲两味
而且煲嘅材质导热但摸落完全感觉唔到热度，十分安全
放低随身物品，急不及待就去拎配料
长长嘅吧枱，放满林林总总嘅火锅食材，
有面有薯粉乌冬芋丝，
各式迷你丸类、竹轮、脆皮肠、年糕、芝士豆腐，
素菜更丰富，芽菜生菜油麦菜菇菌洋葱豆卜豆腐……
应有尽有，净系睇见已经不自觉心花怒放
一路横扫之际，其中一款食材，
吸引住我嘅焦点，令我不禁停低脚步……
羽衣甘蓝
46 浏览
0 赞好
0 留言
久仰大名啊！羽衣甘蓝！
印象中曾经见过有报导话羽衣甘蓝好有益，
已经好想试吓系咩味道，但又好似唔系咁常见有得卖
今次终于有机会「一亲香泽」，哈哈
行到最尾，有四种酱汁同各种调味料，供食客自行混酱
其中都有唔算常见嘅特色酱汁，
喜欢尝新嘅朋友一定会好开心~
夹埋其他配料回程，短短时间内，汤底已经滚起
趁未落任何材料，先试试汤底嘅原味
豆乳汤底原来系咸嘅，嗒落似咸豆浆
猪骨汤底冇乜特别
不过两种汤底都带咸味，用嚟滖食物，顺便有调味作用
其他火锅料都唔错，但一般嘢就唔多费笔墨
12 浏览
0 赞好
0 留言
羽衣甘蓝
25 浏览
0 赞好
0 留言
讲返羽衣甘蓝，落汤滚完后颜色好翠绿，
食落口感味道都似芥兰，我钟意~
同场加映咖哩牛肉汁，强烈推荐！
咖哩牛肉汁
18 浏览
0 赞好
0 留言
一开始我以为佢系好稀好HEA嘅咖哩汁，
点知一打开煲盖，超惊喜！
咖哩汁好浓郁好香，仲有蔬菜块&真．牛肉，
用嚟点火锅食物超好食！
我朋友甚至用嚟自制咖哩捞鸟冬，正啊！
去到尾声，临够钟前15分钟，侍应过嚟温馨提示兼收钱
把握最后机会，食埋甜品
无谂过会有得自己喞雪糕~
仲有两种选择︰云尼拿&特浓乳酪
同埋好多种TOPPING，任君配搭
特浓乳酪雪糕
3 浏览
0 赞好
0 留言
我拣咗乳酪雪糕，酸味偏重，
连埋甜甜嘅朱古力酱、可可球技蜜糖星星一齐食，
正好可以互相平衡对方嘅味道，Very Good！
总括而言，餐厅有唔少特别&细心之处，
令我十分欣赏，而且最平嘅定量肉餐，
加一后其实价钱同快餐店一人火锅都系差唔多，
但食材品种+汤底选择多好多，质素亦好好多，算好抵食！
可惜60分钟眨眼就过，感觉唔太够喉，
餐厅对限时把关都几严，而且饮品饮唔晒都唔可以带走，
打算去帮衬嘅朋友，敬请留意
ANYWAY，我下次会带其他亲友再去打边炉！
张贴
