添福小食 (已結業)

今日路过添福，谂起添福个黒椒汉堡，要食！一个黑椒汉堡盛惠19大元。芝士汉堡加三蚊，食原味好了。即叫即煎既汉堡扒，得我一个order，等左5分钟左右，不果企响车多大巴多既长沙湾道食住尘等，感觉好耐。但系攞住个热辣辣既汉堡包之后就觉得一个字～～值！芝麻包似系嘉顿出品，由细食到大，应该无认错。简简单单夹住汉堡扒同茄汁，无需要加生菜、番茄、酸瓜，就系传统快餐店式既汉堡包。一啖咬落去，汉堡扒够厚，有咬口，好香洋葱味，闻都闻得到，黑椒呢？当你吞左一啖落肚之后，就感觉到微微暖喉黑椒味。即场在车来车往既长沙湾道ko左个成汉堡，好满足。唔使去Five Guys、Shake Shack排长龙啦。