真妮 (已結業)

同朋友嚟到将军澳宝琳，突然之间想食汉堡，就醒起上次去过真妮，所以就再试多次。今次食嘅系黑蒜牛肉汉堡，同埋烟肉蛋牛肉汉堡。两个汉堡包都好有惊喜，厨师特登将烟肉蛋汉堡入面𠮶块蛋唔系整到全熟，令到个包食落去好湿润，而且蛋味都好浓郁。入面加咗块烟肉落去 ，好有外国汉堡包嘅感觉。另外黑蒜汉堡包，食落去黑蒜未唔算好浓，但系有小小嘅香味，怕食蒜头嘅朋友都可以试，而且入面𠮶块芝士非常之靓，好香浓，配埋生菜味道啱啱好。两个汉堡包餐入面都配咗粗薯条，个人觉得比麦当劳更加有口感，非常之好食。之后再叫咗个小丸子同埋炸鱿鱼圈，小丸子系比较甜嘅，钟意食甜嘅朋友可以试吓，鱿鱼圈配咗个明太子沙律酱，食落去都好特别。最后再朝早一杯士多啤梨益力多同埋奇异果益力多，两杯嘅饮品，益力多味唔会太重，唔会话抢咗果汁嘅味道，感觉几好。