新潮樓 (已結業)

近排天气咁闷热，谂吓不如食潮州菜，话哂打冷啲菜式唔会热辣辣，大热天时食都食得舒服啲，加上餐厅宽敞舒适，菜式够正宗又好味，真系可以再来食多几次。今次点左几款潮州菜，有啲系第一次食，甚有惊喜。 普宁萝卜灌浆 : 灌浆系萝卜丝加虾米，用腐皮包住，皮薄炸得脆，萝卜灌浆味道很好，每一口都食到一条条萝卜丝，很喜欢这款小食。自家制虾蟹枣 : 虾枣蟹枣味道都各有特色，两款都很做得好好味，点上枯仔油，甜甜酸酸将虾蟹枣鲜味提升。冻乌头 : 乌头大条肉厚，肉质结实弹牙，鲜味十足，点上少许传统普宁豆酱，啖啖肉好满足。沙茶牛肉芥兰 : 沙茶酱调得刚刚好，沙茶味道香浓，唔会太咸，牛肉好滑好滑，芥兰亦都爽脆，菜式简单但食得出用心制作。反沙芋头 : 呢款甜品极花功夫制作，芋头炸后再用沙糖不断翻炒直至反沙，食时外脆内粉软，系好特别既道甜品。