味火鍋 (雅仕洋樓)

一年365日都系打边炉日子，我最钟意发掘唔同嘅火锅店，睇下边间抵食又多选择😄 今次黎到尖沙咀味火锅，佢嘅套餐standard $318一位，包左4部曲，仲要无限时，性价比几高。第一部曲先拣头盘，唔好以为系hea底野，估唔到有焗龙虾焗生蚝😱 我同朋友叫左龙虾生蚝各一份，龙虾有半只生蚝就3只，满满嘅芝士焗过，热辣辣上枱，龙虾同生蚝都肉质肥味，非常满意嘅第一部曲😇第二部曲就系拣汤底，都有成10款可拣，我地拣左滋补嘅花胶竹丝鸡锅，有半只竹丝鸡比你落落汤度慢慢熬汤，仲有几大旧花胶添😋第三部曲就系火锅用嘅海鲜拼盘同安格斯牛肉拼盘🥩🦐 海鲜拼盘真系震撼，有大概8款时令海鲜，全部都好新鲜，我最欣赏系大虾同鲍鱼，煮完之后个汤仲好有鲜味添😗食完头三部曲都已经饱左8成，最后都部曲就QR Code落单，有其他肉类丸类饺类菜类等。我地实在食唔到咁多啦，所以叫左少少加个手打乌冬作结😏 实在系令人好享受嘅四部曲！