影片
更多
2017-05-03
512 浏览
复活节假放完, 又要回到现实生活了....正常就梗系未回魂啦~ 约埋友人食放题, 脱离一下残酷的世界~~环境: 平日8:30pm人流都唔多, 即时入席~座位都好多, 除了方方正正枱, 都有卡位, 亦有凹入去既位置, 可以大班人(8-10人到)围埋一齐坐, 咁都几好, 易d倾计~开餐喇~~~餐牌系彩色架, 啱晒我呢d视觉派, 睇相好过睇字~细细张纸, 交单时可以唔驶考虑咁耐.... 因为如果大大张纸, 我只剔一样.... 又好似好浪费张纸咁... 食物:头盘梗系叫d刺身先啦~~!! 因为友人唔好刺身, 所以叫得唔多~ 唔似隔离台d刺身拼盘砌到大大盘, 好靓咁~我觉得最好味系螺肉、象拔蚌、鲜带子~ 螺肉系我食过最好鲜甜~!! 象拔蚌唔系度度有得叫, 爽口唔腥~鲜带子寿司好肥美~ 赤贝亦唔腥大大件, 饭就细细件~ 抵赞~ 到烧物炸物~炸物全都是刚炸起的~ 热辣辣最好食芝麻鸡翼好正呀~ 外脆内嫩~ 吃完一只又一只~~ 炸蚝里面干身, 味道不错, 若炸粉再薄dd就更好了~我最爱.... 这三大炸粒粒~~ 真系要大力推介第一位: 炸榴梿外皮脆脆, 唔太厚, 里面粒榴梿糯米糍大大粒, 糯米皮
正常就梗系未回魂啦~ 约埋友人食放题, 脱离一下残酷的世界~~
环境:
平日8:30pm人流都唔多, 即时入席~
座位都好多, 除了方方正正枱, 都有卡位,
亦有凹入去既位置, 可以大班人(8-10人到)围埋一齐坐, 咁都几好, 易d倾计~
开餐喇~~~
餐牌系彩色架, 啱晒我呢d视觉派, 睇相好过睇字~
细细张纸, 交单时可以唔驶考虑咁耐....
因为如果大大张纸, 我只剔一样.... 又好似好浪费张纸咁...
食物:头盘梗系叫d刺身先啦~~!!
象拔蚌，螺肉，赤贝，鲜带子
29 浏览
0 赞好
0 留言
我觉得最好味系螺肉、象拔蚌、鲜带子~
螺肉系我食过最好鲜甜~!! 象拔蚌唔系度度有得叫, 爽口唔腥~
鲜带子寿司好肥美~ 赤贝亦唔腥大大件, 饭就细细件~ 抵赞~
到烧物炸物~
炸物全都是刚炸起的~ 热辣辣最好食
炸榴梿，紫心香芋丸，一口芝士，翠肉瓜
29 浏览
0 赞好
0 留言
炸蚝里面干身, 味道不错, 若炸粉再薄dd就更好了~
我最爱.... 这三大炸粒粒~~ 真系要大力推介
第一位: 炸榴梿
外皮脆脆, 唔太厚, 里面粒榴梿糯米糍大大粒, 糯米皮薄, 一咬落去, 爆浆~!
好香呀~ 榴梿fans一定一定要试~!
第二位: 紫心香芋丸
本来有担心会好腻, 好滞口~ 外皮同炸榴梿差唔多, 但第一口感觉好香甜, 一d都唔觉滞~
个心系紫色, 但炸皮内一层系黄黄地色既皮, 唔知系咪甜薯~ 谂唔到会咁香滑~
第三位: 一口芝士
一口芝士名副其实, 真系细细粒一啖过~
外皮一样脆薄, 里面芝士很浓, 好似从前细细过成日食的那款.... 一粒方型砖, 有个牛牛头芝士粒~ 好怀念~
烧物:
烧羊鞍
41 浏览
0 赞好
0 留言
我最喜欢烧羊鞍、翠肉瓜~羊鞍肉唔太腥亦唔韧~ 肥瘦刚好~
明明很饱, 吃了一只, 仍然忍唔住再吃多只~
一定要趁热吃~ 好味好多~~
翠肉瓜烧得刚好, 唔会太干, 咬落仍好Juicy~
加了味粉, 去了瓜的臭青味~ 很惹味~
其他熟食:
冷面味道出奇地特别, 酸酸地好开胃~~
牛肉锅牛嫩~但就较少片~ 汤很甜~ 很喜欢里面很多菜~ 啱晒我菜菜子~
带子烧友人觉得好好味, 很喜欢那芝士沙津汁, 我就觉得多左少少~
在自助bar还有不少熟食可选~ 芝士焗西兰花、炸肠仔、炸春卷、口水鸡翼等...
最特别是章鱼小丸~~ 可以食一粒过下瘾~
冷面，牛肉锅
31 浏览
0 赞好
0 留言
女人系有一个甜品胃的~ 就算几饱, 都能够启动甜品胃~~!!
心太软，牛奶布甸，朱古力mousse
28 浏览
0 赞好
0 留言
第一位: Q版心太软
哗~~~~ 半溶流心朱古力, 甜度热度刚好~ 温暖软滑~~ 细细件唔怕"漏"~ encore, encore 再encore~~
最估唔到系心太软分类为烧物类, 差d睇漏眼无叫到~ 好在友人眼利~
不过.., 流心都睇下彩数, 唔系件件有, 有d会较熟~ 叫了6件, 4件流心~
第二位: 牛奶布甸
本来不抱期望, 但试一啖, 哗~ 好滑呀~ 淡淡的牛奶味~ 少少甜~
愈食愈停唔到口~ 结果一口气吃完了....
第三位: 朱古力mousse
第一层浆浓, 重朱古力味~ 第二层细滑, 二层加埋好夹~
最顶的朱古力碎如果再硬身d, 就更有口感了~
朱古力fans要试下~~^^
餐厅的食物+饮品选择都很多~
有不少特别的选择~
如自己手拉乳酪雪糕，仲有d配料: 爆浆粒/朱古力针/朱古力糖/棉花糖可以自己任加~有热的纸包饮品, 好贴心, 照顾不爱冻饮的朋友仔~
还有豆腐花、大福~
服务:我去过的放题店都未试过有如此神速的服务呢.....
我刚刚写好点菜纸, 待应一经过就已经好快手收左~
下单都不用5分钟, 总有食物送上枱~~~~
友人刚拿起手卷, 下一秒经过的待应已经准备收碟了~
服务真系太太太快了~ 但最好系, 又唔会觉得佢似赶你走个款黑口黑面~
全餐饭都唔需要举手叫人落单/收碟/追单~ 真系服务快手到令人佩服~
临走时才发现, 原来门口有夹公仔机~
如果真系人多, 排晒长龙, 都可以玩下消磨下时间, 几贴心丫~
张贴
