羅麥記 (荃新天地) (已結業)

上星期五过咗荃湾揾旧同事聚旧，佢带咗我去呢间度食，话有个砖头焗猪扒饭几特别，就同佢去试下。餐厅唔算好大，但都坐咗九成人，好彩仲有张双人枱先唔驶等位。餐牌上都有几多选择，大部份都系小食，唔觉唔觉都点咗几多野😅砖头焗猪扒饭：原来系用面包皮入面包住个饭，炒饭底粒粒分明，猪扒切开都有好多件，果然系主打食物，唔错唔错！避风塘鱿鱼须：炸粉唔厚，鱿鱼都几弹牙，必点。虾多士：正正常常啦，略嫌油过多。流心粟米西多：呢个甜品有惊喜，因为有除咗粟米仲有蛋黄，啱晒我呢啲蛋黄控。整体嚟讲今餐都几满意，食物有质素，最紧要价钱合理，会encore！