Garrett Popcorn (已結業)

星期日约咗男朋友去饮茶，本身已觉得轻松又开心。见到男朋友到嘅时候原来买咗包大大包嘅爆谷，就更加身心开朗。听讲话呢间爆谷最近好流行咁，今日终于一试。一打开，卖相已好吸引，呢款叫Chicago mix，系焦糖+车打芝士。车打芝士味道好浓，食完只手指都黄哂，但可能因为时间太耐嘅关系﹝由中环搭车到荃湾﹞，所以淋咗，但味道确系好好。不过由于味道浓郁嘅关系，应该好快会觉得“溜”。至于焦糖味，又脆又甜甜味，而且甜度适中，正！﹝夜晚番到屋企都仲系脆﹞听讲话佢仲有其他味，下次必定再试。