Non Kitchen

营业中

休息中

男朋友去工厂大厦拎嘢，无意中发现咗呢间西餐厅，见价钱都合理地方都好大，唔理三七二十一医咗个肚先。唔想烦叫咗个二人餐，沙律餐汤基本嘢一定合格，不过面包同埋旧牛油有惊喜，牛油好似有少少松露味，而且一个南瓜汤非常浓郁。主菜叫咗一点黑松露意大利云吞，云吞比较细粒但一啖一口又啱啱好㖞，黑松露味好香。最惊喜，反而系炭烧牛扒，真系有网纹同大大阵炭烧味道，牛肉味好浓郁，而且唔会好韧有筋。最钟意食偏生嘅牛扒，有少少血水，又食到牛肉味，薯仔入面有蒜蓉同牛油，劲香，超好味。食埋甜品都好满足，平均$300一个人，如果唔系工厂大厦入面都好难呢个价钱食到牛扒，所以下次有机会都会再嚟。