影片
更多
2017-05-15
3154 浏览
上星期五收工约左朋友专登去上环试依个新开嘅过江龙火锅 未上去之前已经觉得几惊奇 竟然系来自美国嘅香港平民野食 所以决定放工去试下。首先，装修方面，一入餐厅完全唔似火锅店，一堆灯嘅设计十分特别，而且座位阔落舒服，店亦宽敞，适合同一堆朋友嚟聚会倾计。依到系主打一人一锅，可以自己拣汤底同火锅种类，餐厅对于依方面十分有诚意，种类方面由local啲牛肉、海鲜火锅到韩国部队锅，日本嘅寿喜烧都有，而且某几种火锅种类仲可以拣汤底，其中南瓜同蕃茄更加系每日新鲜肴制，由米之莲星级厨师研制及改良味道，枱上更加有一堆酱料，但其实火锅已经好够味，未有用到酱料嘅需要。与友人分别叫左小海鲜锅配南瓜汤底同安格斯牛锅配麻辣汤底，再加一杯绿茶同青柠梳打。火锅方面份量十足，一上枱已经有一堆基本材料放好系锅，包括一堆丸、菜同肉。依到嘅丸类非常特别，来自振兴嘅，每一粒都系包心丸，味道非常过引，比平时其他餐厅嘅丸用心同好食好多。推介wasabi丸同鱼蛋小笼包，味道都好特别。安格斯牛肉锅配麻辣汤依到嘅麻辣汤比平时食到嘅特别，冇咁辣，比较容易入口，牛肉比一般火锅店高质唔会好肥，而且新鲜嫩滑，同麻辣汤底十分夹，而且依到嘅温底十分浓，食
首先，装修方面，一入餐厅完全唔似火锅店，一堆灯嘅设计十分特别，而且座位阔落舒服，店亦宽敞，适合同一堆朋友嚟聚会倾计。
依到系主打一人一锅，可以自己拣汤底同火锅种类，餐厅对于依方面十分有诚意，种类方面由local啲牛肉、海鲜火锅到韩国部队锅，日本嘅寿喜烧都有，而且某几种火锅种类仲可以拣汤底，其中南瓜同蕃茄更加系每日新鲜肴制，由米之莲星级厨师研制及改良味道，枱上更加有一堆酱料，但其实火锅已经好够味，未有用到酱料嘅需要。
与友人分别叫左小海鲜锅配南瓜汤底同安格斯牛锅配麻辣汤底，再加一杯绿茶同青柠梳打。
火锅方面份量十足，一上枱已经有一堆基本材料放好系锅，包括一堆丸、菜同肉。依到嘅丸类非常特别，来自振兴嘅，每一粒都系包心丸，味道非常过引，比平时其他餐厅嘅丸用心同好食好多。推介wasabi丸同鱼蛋小笼包，味道都好特别。
安格斯牛肉锅配麻辣汤
依到嘅麻辣汤比平时食到嘅特别，冇咁辣，比较容易入口，牛肉比一般火锅店高质唔会好肥，而且新鲜嫩滑，同麻辣汤底十分夹，而且依到嘅温底十分浓，食到最后仲有阵阵麻辣味。
小海鲜锅配南瓜汤
友人喉咙唔系好舒服，所以就叫左个清清地嘅南瓜汤，依个汤底十分浓郁，饮落似平时食西餐会饮到嘅南瓜汤，十分鲜甜。海鲜方面份量十足，一上枱时系密铺哂成个锅，包括有虎虾，蚝，带子，青口等，亦有配埋一堆招牌嘅丸类，海鲜整体嚟讲新鲜唔会腥同冇雪味，虾同带子更加系十分鲜甜。
火锅仲可以拣配饭定薯粉，我同友人都拣左薯粉，我嘅麻辣汤配薯粉系顶级，但友人嘅南瓜汤配薯粉食起嚟味道都好特别同夹，不过食到最后都几辣同几大份原来都，所以细食嘅朋友海鲜锅拣细份量都ok。
一人一锅系香港都十分普遍，但煮道对于每个细节都十分用心，而且汤底选择很多又健康，十分推荐大家去试下。
张贴
