瑞士咖啡室 (已結業)

是日午餐 经过新开的瑞士咖啡室！ 呢间咖啡室其实都系一间茶餐厅，但其装修甚有特色！以绿色作为主色配上风味怀旧墙纸，喺工业区嚟讲实在有心思！今日12:30到达餐厅，幸运地唔需要等位 与同事点左咖喱牛腩农夫包(限定!!) 同 瑞士汁牛河~咖喱牛腩农夫包劲好味！老板话唔系日日有架！个包非常松脆，然后沾满咖喱系好夹的！完全唔觉得重口味！而咖喱牛腩都炆到好软，完全劲入味，值得一赞！！瑞士汁牛河亦有惊喜！份量大大碟，女仔一定会食唔唒！河粉同牛肉都充满瑞士汁味，味道好正，感觉冇干炒牛河咁油腻。喺繁忙嘅午饭时段都能造出好味嘅菜色，都值得一试