維港冰室

营业中

休息中

今日喺湾仔做完嘢，沿着会展行出嚟，见到呢间茶餐厅，就入左黎。就入咗嚟试吓，卡位又大又舒服，冷气够，而且重播系我嘅年代嘅歌😂友人首选铁板餐，拣咗西冷牛扒，配黑椒汁，上枱渣渣声，仲有原个切薯仔。美中不足系，如果系薯条我会更加开心，哈哈哈哈😄仲有一大个餐包同埋餐汤，呢一个就已经超饱。我拣咗酸菜鱼，我见到佢有手指公，应该系招牌嚟嘅。酸菜鱼配料丰富，有莴笋黑木耳炸咗嘅菇，另外鱼肉都好厚好大块，酸菜亦都好够味。仲有一个饭同埋一个汤配，仲有嘢饮。另外我哋仲叫咗个无骨海南鸡，啖啖肉，鸡肉够嫩滑，🫶🏻🫶🏻都几够大份。同样地都系配咗个饭同埋汤。最惊喜嘅系，呢度嘅甜品，佢简直系比冰室耽误咗嘅甜品舖😂😂选择丰富，而且都系而家兴既！我哋叫咗个开心果糊试吓，佢做到香浓滑，仲有啲开心果粒喺上边。下次有机会试埋去其他甜品先！