宮葉 パフェ (已結業)

喺牛头角见到呢间餐厅都有一段时间，铺头门口都算突出，用浅色木版做门面装饰加上大大只日本字，好难睇唔到。今日就嚟试吓佢个甜品先。我哋叫咗一个抹茶雪糕mix, 另外叫咗一个有蕨饼，小丸子，抹茶雪糕啫喱嘅甜品。本身谂住成＄50 一个抹茶雪糕mix 唔系好抵，但嚟到𠮶时劲大杯，超级surprise。又有水果，雪糕，蕨饼，小丸子，咩都有。味道方面觉得个雪糕唔会超甜又好有茶味，个人十分喜欢，但小丸子就比较硬又唔QQ。蕨饼就一般水准。服务方面，有待改善。个侍应礼貌真系好麻麻，叫咗佢几次落单都冇反应，想饮水果茶问一下系唔系用胶杯装，一句飞埋黎话冇晒啦，都几rude。