影片
更多
2015-10-07
2062 浏览
第一次写食评..虽然食左好耐都未得闲写, 今日终于有机会写返喇!两位朋友选择左黎呢间餐厅同我庆祝生日其实我地3个都系第一次黎帮衬反而隔离果间超多人等位既我就食过一次..相比之下..呢间餐厅唔算多人(就算系平日隔离果间book左好耐都book唔到)所以环境唔算坐得好迫当然服务都唔错啦所有职员都自动自觉, 好有热诚去帮每一个客人一开始坐低每枱都有得送既胡椒饼 (同隔离果间一样都系送既, 冇乜特别话唔好食)我地一共叫左5样野食:1. 芒果蟹肉沙律 我冇食芒果, 但见到好大旧, 朋友话好食, 蟹肉好鲜甜, 菜都好新鲜, 配D汁几醒神开胃, 唔错, 系有D贵 好似要成$120(冇记错既话)2. 芝士薄饼我同朋友都超中意食芝士, 所以叫左芝士薄饼, 因为我地唔食咖哩, 所以冇叫到咖哩点黎食..如果就咁食就有D淡, 所以叫多左个菠菜芝士点黎食, 点左都几够味, 不过个人觉得芝士薄饼唔够香同热, 呢个一般, 下次可以试其他菜式!3. 菠菜芝士呢个菠菜芝士之前系其他地方都食过, 但同呢度有D唔同, 味道偏咸, 用黎点薄饼就岩岩好, 中意食芝士既会觉得芝士味几浓, 但质感咬落去几特别, 实实地, 有D似豆
虽然食左好耐都未得闲写, 今日终于有机会写返喇!
两位朋友选择左黎呢间餐厅同我庆祝生日
其实我地3个都系第一次黎帮衬
反而隔离果间超多人等位既我就食过一次..
相比之下..呢间餐厅唔算多人(就算系平日隔离果间book左好耐都book唔到)
所以环境唔算坐得好迫当然服务都唔错啦
所有职员都自动自觉, 好有热诚去帮每一个客人
一开始坐低每枱都有得送既胡椒饼 (同隔离果间一样都系送既, 冇乜特别话唔好食)
我地一共叫左5样野食:1. 芒果蟹肉沙律
我冇食芒果, 但见到好大旧, 朋友话好食, 蟹肉好鲜甜, 菜都好新鲜, 配D汁几醒神开胃, 唔错, 系有D贵 好似要成$120(冇记错既话)2. 芝士薄饼
我同朋友都超中意食芝士, 所以叫左芝士薄饼, 因为我地唔食咖哩, 所以冇叫到咖哩点黎食..如果就咁食就有D淡, 所以叫多左个菠菜芝士点黎食, 点左都几够味, 不过个人觉得芝士薄饼唔够香同热, 呢个一般, 下次可以试其他菜式!3. 菠菜芝士
呢个菠菜芝士之前系其他地方都食过, 但同呢度有D唔同, 味道偏咸, 用黎点薄饼就岩岩好, 中意食芝士既会觉得芝士味几浓, 但质感咬落去几特别, 实实地, 有D似豆腐干 (有芝士香味既豆腐干), 唔错!4. 招牌pizza
不过不失啦, 不过一赞既系餐牌有贴心既提示, 大概size可以话到比人知for几多人食..味道唔错既..冇乜特别5. 唔记得边度地方既饺子
呢款饺唔记得系边度地方既菜式, 未试过就叫左黎食, 同平时食开既冇乜特别, 系多左D香叶0系入面, 因为怕辣所以只点左少少佢既酱黎试, 不过唔点又好似差D野咁..下次都系可以再叫其他黎试..题外话: 因为见到餐牌写住早D通知餐厅可以准备蛋糕碟上写上生日字句, 但由于系第一次帮衬, 谂住黎食餐饭就算, 见到呢个牌写住又咁岩我生日, 就胆粗粗问下职员(后尾知道佢系经理老虎仔)有冇得送生日cake, 点知职员就话佢话唔到事, 同埋个cake好平姐, 自己叫都得啦..咁我地就谂住睇下饱唔饱先再嗌黎食..
去到差唔多食完, 又有另一个女职员(Sabrina)主动走上前同我地倾计, 问我地系咪第一次黎食, 佢话如果黎过既一定认得, 我地的确系第一次黎, 所以咩都唔知, 佢话原来平日黎打电话book好似话有9折, 但要电话预早讲定, (不过我同朋友D英文都唔系好叻, 所以都可能同听到既有D出入), 跟住有个识讲中文既职员走埋黎又话, openrice有时会有coupon有9折, 但我地去帮衬果日已经冇左..所以都冇计..
之后同朋友倾下计, 去完toilet之际, 突然播左一首超大声既生日歌, 熄哂灯, 又有D职员跟住首歌唱同拍手, 成间餐厅既食客又周围望下, 睇下边枱有人生日, 点知望黎望去都冇一枱有反应 , 之后个识讲中文既男职员就拎左一件cheese cake出黎, 周围问人系咪你生日呀? D食客就呆左, 话唔系..个个都话唔系..O哂咀..惊喜既事黎喇...原来果件cake系送比我架..但系个男职员就系度玩野点都唔比件cake我咁, 由于佢头先话冇得送既关系, 我同朋友都以为系有其他人生日, 冇谂住会有呢个suprise, 真系好开心, 成件事好搞笑之余仲好惊喜, 连我D朋友都比D职员吓一吓..不过成件事系开心既
好开心玛拉小厨既职员咁有心做好佢地份工, 真心多谢你地带比我咁欢乐既晚上同难忘既生日, 希望你地继续有心服务食客, 虽然你地唔系香港人但呢个敬业乐业既精神好令人敬佩, 香港好需要有你地呢班咁好既服务员..希望D野食亦更上一层楼, 比更多人知道有你地间餐厅张贴
