Co-Dining Space (已結業)

放假日就最钟意四海揾野食，除左会上网揾美食之外，其实平时行街见到间餐厅几特别，都会想试试，果日同个朋友经过流尚城见到餐牌俾佢吸引左，就入去试试佢。餐厅内外位于11楼，门口贴住日本电影海报，唔知点解突然有啲回到中学时期既感觉，因为中学果期真系好兴日本潮流。室内环境系行紧依家大热既小清新路线，安排好坐位俾我地之后，就会倒杯有柠檬水俾客人。食物选择有SET提供，不过睇完餐牌之后同朋友夹左散嗌啲野黎试下！主菜--美式烧春鸡配烧汁 $188由店员拎黎既时候已经闻到佢既香味，薯蓉+烧春鸡+烧汁，超级搭既组口，春鸡事先帮我地分好一半，一啖鸡肉配一啖薯蓉，好够饱，鸡肉嫩滑香口，令人一口接一口，再配上一口薯蓉，超夹！  主菜--面包蟹意大利饭 $228原只面包蟹盖上，意大利饭煮得岩岩好，烟烟韧韧有咬口，再配上劲浓既芝士+黑松露酱汁，浓郁幼滑既口感令人一试难忘！由于朋友好细食既关系，基本上野食都系我负责包尾，觉得食物质素唔错，而且店员服务态度都好细心殷勤，会主动埋黎加水执枱，就算我地食晒d野，坐喺到倾下计都唔会催你走，感觉好舒服自在。