Chef's Movement

营业中

休息中

星期日训到自然醒想食番个brunch，于是系元朗鸡地果边游走，见到转角位有间食All-day breakfast嘅小店就冲左入去试下。小店骤眼睇只有十张枱，但果日好好彩一去到就有人走所以唔洗等位🤩，仲要系窗口位。 同行两个人，点左一个All-day breakfast 配玫瑰咖啡，一碟蒜香牛油虎虾意粉配餐汤。 All-day breakfast 嘅惊喜在于蜜瓜超级清甜😋😋😋食嘅时候加块巴拿马火腿可以中和火腿嘅味道。炒香菇同黑松露炒蛋好食都系意料中嘅事，但肉肠煎得比较干身就扣左少少分。而特别钟情于粗薯条嘅我觉得呢度嘅薯条颇有水准，就算放系最尾先食薯条都仲系热架😍，而且炸得好脆，如果佢系薯角就仲perfect啦。 因为呢份早餐都几大份，一个女仔系食唔晒嘅，所以牛角包🥐就俾左妈妈食。平日有整开包包嘅佢话牛角包嘅折都做得几平均，虽然唔系好明佢讲咩，但大概系话唔错啦。 食完饭大概都会想借用下餐厅洗手间洗个手或者方便下，Chef’s Movement门口就有个别致嘅洗手盆，而厕所就系餐厅外面，甘就唔洗惊要系元朗揾厕所啦。 呢度绝对系会回头再回头嘅餐厅，