越北牛肉粉

营业中

休息中

一年多前，给本人感觉是一间没有服务，赶客走的越南餐厅，今天一个人晚上来光顾令我对荃湾千色汇另眼相看。事原我叫了一个朱扒捞檬，都明白假期人多左好耐，大约等左20分钟左右，肚真系顶唔住，找了一位白西装经理去问，结果他好似知我追野食，好客气同我讲：系你揾我之前，我已经帮小姐你入厨房跟进左你想要既朱扒捞檬，而且应该差不多时间出到俾小姐享用。哗，真贴心，仲有预知能力，结果2至3分钟左右真系上到个捞檬，埋单时仲好有礼貌同我讲：唔好意思，今日假期比较忙，所以要小姐等咁耐，下次一定唔会发生咁既问题。跟住我就话：得，睇你名牌，叫Thomas，有你系度，我一定会经常再黎，你俾我感觉好细心，仲知我要D咩。之后我唔多讲，一年多前我经历过之后，今晚唔系肚饿想食野，真系唔会入黎，结果真心有惊喜，而且我见果位白衫经理都好忙，走围走去开解客人，每个客走都同佢讲：多谢晒，记得拎齐野，欢迎下次光临！一间无加一既餐厅俾佢做到有服务，我服。希望keep住哩D服务态度，咁我地香港人都唔会北上消费咁多，留港帮衬你地越北牛肉粉。