鴻淘士多‧羅太豆花

营业中

休息中

呢日朋友们话要带我去任食豆腐花，成日听佢哋讲话好味又抵食，终于有机会带埋我去啦。地点位置都几偏僻，我见好多单车友踩住单车咁入去顺便食。大热天时，徒步行入去，真系行到身水身汗。豆腐花同豆浆都系一个价钱就任食任饮。豆腐花好滑，豆浆唔会太甜，两样食物都好有豆味。不过我觉得最惊喜，反而系另一样小食。我哋人多，所以仲叫咗煎豆腐同埋煎素鹅。因为佢系即煎嘅，所以要啲时间，我哋一入去坐低就即刻叫，等咗大概10分钟左右就有啦。煎豆腐就冇乜特别，都唔错嘅。但系个煎素鹅就真系好惊喜，超好食，煎到脆脆地，豆味好浓郁，再配埋个类似酸梅汁嘅酱，真系好食到停唔到口。佢只系$30一份，但系都几大份，可以比两至三个人share做小食。呢度嘅煎素鹅，暂时喺我食过最抵又好食㗎。