必勝客

营业中

休息中

今日一个人去咗将军澳，差唔多两点都未食晏，喺新都城二期行嚟行去都谂唔到食乜，最后见到Pizza Hut，心谂好耐冇去过，就入去食个下午茶啦。我叫咗个$49葡汁鸡皇焗饭同加$3将饮品转咗做忌亷鸡汤。因为以前有个会藉，所以问吓仲有冇用，顺便问吓有冇乜嘢优惠。行埋嚟𠮶位先生，睇落好似店长劲helpful。佢扫完个会员QR Code, 话我有张$50生日coupon, 不设最低消费，仲问我今日用埋好唔好。😊个汤好快就上，味道okay啦，不过胜在够热。饮完个汤冇耐，个焗饭都嚟埋。好热辣辣，见到啲汁上面有泡泡起伏（证明系好热）。鸡肉唔多，味道都几okay，又系胜在够哂热。最后俾钱连加一$57.2，不过扣咗张coupon后，我嘟咗$7.2找数。劲开心！😃真系要多谢Pizza Hut。