茶狼 (已結業)

随着年纪增长，慢慢爱上茶。每种茶都有唔同嘅香同味，就好似唔同嘅人有唔同性格一样。以台湾同日本嘅茶我比较钟意，好似有阵阵嘅香咁，饮完之后口入边都仲有啲回甘咁！最近，希慎呢度就开咗一间新嘅茶店-茶狼。睇返原来都系有美心集团去开，最近美心集团都好似有唔同嘅新动作，越嚟越贴近年轻市场。Menu上有好多款唔同类型嘅茶，冻柜入面亦都有一啲甜点，布丁呀，蛋糕咁。其实本身我今日最想饮嘅系冰滴茶，自从上次喺济州饮完之后一直念念不忘，好想揾返果种清香嘅茶味。可能仲系好新啦，我哋排嘅时候都有成廿几人排紧队。不过店员都好快手亦都好有礼貌，值得一赞嘅！我拣嘅呢杯就系鲜甘蔗芝士奶盖青茶，用上鲜甘蔗汁同埋四季春茶，茶面加上芝士奶盖，超级有惊喜！最初好担心芝士奶改始终都有少少咸咸地，但系甘蔗呢就系好甜嘅，好惊佢哋撞晒完全唔啱味。点知真系好夹，甘蔗嘅甜加左个芝士奶盖有少少咸味中和返，都系以前从来未饮过嘅配搭！虽然佢嘅位置系系一个广场嘅中庭，但系都有唔少影相位，如果行开𠮶头想饮杯嘢都值得一试啊！当然如果唔驶等咁耐就更加好啦🤣