富寶會所私房菜

营业中

休息中

我今日嘅身份系一个好女婿。😊话说我外母一向热情好客，又爱四方城，适逢佢好友兼雀友生日，佢哋想大搞，外母又认头做搞手，早已命令我揾好地方，我上网揾到后，佢重要我亲身嚟同佢试下睇下，为朋友，亲力亲为嘅老人家。👍🏻我一入去呢间店，地方相当宽敞，装修干净企理，一张张圆枱，枱同枱之间都唔会太迫嘅，座椅全部有软垫，坐得舒服。同外母问餐厅预订详情，店员详细解答。餐厅话海鲜最好提前预订，佢哋提供包场包房服务，又有麻雀台供娱乐用途，重可以自订语句展示于餐厅大型屏幕，可以打入生日祝福，啱哂佢老人家心意。一场嚟到，我哋两个当然食吓嘢，都几有惊喜。❤️鱼肉胜瓜肉丸浸大蚬蚬肉肉厚鲜甜，肉丸大大粒够弹牙，胜瓜爽脆，不得不提个汤底，鱼汤煲到乳白色，鲜甜可口，正～银鱼仔胜瓜海鲜汤饭我本身钟意食汤饭，今次呢个饭够足料，海鲜汤底清甜，配埋胜瓜爽脆，银鱼仔又将个海鲜味提升左，食完消暑又满足。