皇軒私房菜 (裝修中)

呢排食得多西餐，上星期就拣左呢间私房菜同男朋友去食下。呢间餐厅装横好有特色，云石枱配合亮丽嘅餐具和茶壶，几有气派。我地叫左几款小菜，一饱口福。时令炖汤虫草花炖鸡汤，非常足料，入口鲜甜又滋润。咸菜胡椒猪肚汤胡椒味刚刚好，配上新鲜咸菜，口感丰富。猪肚爽口弹牙，相当开胃。炸BB鸽炸得好香！皮脆肉嫩，好有肉地，咬落好弹牙。泰式猪颈肉估唔到仲有泰式野食。猪颈肉香嫩，配上泰式辣酱，酸酸辣辣，好正。蒜蓉炒菜心菜心超级新鲜，好鲜甜，实在惊喜。份量都好足！三色葱爆海参视觉上已经好吸引。而海参好厚身又弹牙，大葱、洋葱和啲椒清新爽口，简直系多重味觉享受。金瑶五谷炒饭推介！！卖相相当吸引，而且味道十分特别，首先啲三色椒粒爽口，金黄色炸过嘅瑶柱丝香脆，而个炒饭好入味，软腍程度得宜，真系超好味。喺普通餐厅绝对食唔到咁高质独特的炒饭。甜品又系个惊喜。呢个菊花豆腐色香味俱全，卖相精美，亦无谂过会咁好味。好正！感受到厨师真系放左好多心机落左啲菜式到，绝对值得再帮衬。