Casa Pennington (已結業)

周四晚舞前先约会女伴撑枱脚，地点就拣喺铜锣湾西餐厅「Casa Pennington」。餐店占用面积全层，环境开扬宽广，暗淡o既光线都几浪漫，难怪座上客大多为小情侣。两口子因有好下场，XO仔之前又去过西餐厅o既分店，埋位当然系要先点食买一送一o既生蚝啦！三款生蚝以拼盘呈上，由柠檬位作起点，顺时针方向为淡至浓，当晚亦即南非o既「Namibia」（$68/只）、西班牙o既「Arousa」（$72/只）、及法国o既「Mermaid」（$75/只）。Namibia（$68/只）：南非生蚝爽脆轻巧，鲜甜滑溜，正价单售$68，买一送一即$34一只，个人觉得绝对超值！Arousa（$72/只）：拼盘上以西班牙代表o既「Arousa」最为厚身，其质感亦最为爽润软滑。Mermaid（$75/只）：法国「美人鱼」外表圆圆，咬落肥美饱满，海水味浓而不俗。Sautéed Mussels（$178）：原本点菜时想食蚬，但妹妹仔极力推荐改食青口，由于系是日精选，所以餐牌上冇列出，一听到话平过煮蚬$20㖞，嘻嘻，小肥当然系唔洗谂，即点黎食啦！白汁煮青口份量足，每只青口同样肥嘟嘟，胀卜卜，橙色白色都一样咁鲜香甜美，实属