十十川滬料理 (已結業)

旺角朗豪坊川菜，款式多样，环境简约舒服。今次我哋就拣咗个晚市二人餐，菜式相当丰富。花雕醉鸡，有酒香。干煸四季豆，经典川菜，好食！胡麻酱秋葵，斋睇唔麻酱嘅颜色就知佢唔系一般日式店𠮶种常见麻酱，系比较中式偏向咸，而唔系日式偏甜𠮶种，应该有加入花生酱，口味较浓郁浓稠，好味。凉拌莴笋丝，越系简单嘅菜式越见功夫，望落去清清淡淡，但佢嘅味道一啲都唔单调，应该有加入姜汁，食落非常清爽，食完仲想食多碗。鲍鱼腌笃鲜，呢道菜都好有惊喜，我自己觉得鲍鱼唔系重点，汤底先系，食得出真系有真材实料，而唔系味精汤，但温馨提示要趁热饮，冻咗真系争好远。松子糖醋骨黄金小笼包，黄金味唔重。上海炒年糕鲜奶赛螃蟹，唔系好食到鲜奶同螃蟹嘅味道，蛋白味较出。热桃胶小丸子，大大碗。整体每道菜口味都偏淡，用心制作，最推介凉拌莴笋丝、鲍鱼腌笃鲜，两者味道出色，出面比较少见。