影片
更多
2016-04-12
620 浏览
清明儿童节登高日，适逢佳节齐齐行山郊游乐啦，上山前叹个靓早餐先，我琴晚都饮左好多酒，有点 hangover，食碗热辣辣汤面舒服一点，但又唔可以食太多，系山度肚痛或要便便就阴功喇！太阳蛋牛扒出前一丁，劲多早餐啰，有成 15 个以上呢！成日都沙嗲牛好闷，见到 M 餐有牛扒，试试先。何解牛扒要碎上呢？您切碎攞去炸已经唔系牛扒啦！心里有数系港式重腌乸牛扒架喇，奇怪㖞？好味㖞！虽然乸牛扒质地怪怪滑嘟嘟，但腌味出众，惹味甜美，腍中带点嚼劲，而且热辣辣，有料到！太阳蛋一系拮穿捞面食，一系留到最尾浸够汤暖笠笠成粒啪入口，我选后者。甘香味浓蛋黄口里爆，跟嫩滑蛋白混和，一粒盐都唔洗落，天然纯正蛋香已够好味！出前一丁居然系滚水煮再落汤粉，跟红磡邮票餐厅一样，但苑记热好多。面质平平算合格啦，唔系特别好又无过腍，但唔系跟汤粉一齐煮，面条始终较淡无咩味。纵使一阵行山都话之佢啦，落羹辣椒渣醒醒神先。哗，劲辣！几时转左辣椒油架？咩牌子呀？一食飊汗！香辣无比非常刺激，我话晒都做左辣民几十年，居然会系苑记遇到对手！一羹够晒皮，辣味非凡，good！如果配潮州粉面一定更夹更好味！
太阳蛋牛扒出前一丁，劲多早餐啰，有成 15 个以上呢！成日都沙嗲牛好闷，见到 M 餐有牛扒，试试先。何解牛扒要碎上呢？您切碎攞去炸已经唔系牛扒啦！
心里有数系港式重腌乸牛扒架喇，奇怪㖞？好味㖞！虽然乸牛扒质地怪怪滑嘟嘟，但腌味出众，惹味甜美，腍中带点嚼劲，而且热辣辣，有料到！
太阳蛋一系拮穿捞面食，一系留到最尾浸够汤暖笠笠成粒啪入口，我选后者。甘香味浓蛋黄口里爆，跟嫩滑蛋白混和，一粒盐都唔洗落，天然纯正蛋香已够好味！
出前一丁居然系滚水煮再落汤粉，跟红磡邮票餐厅一样，但苑记热好多。面质平平算合格啦，唔系特别好又无过腍，但唔系跟汤粉一齐煮，面条始终较淡无咩味。
纵使一阵行山都话之佢啦，落羹辣椒渣醒醒神先。哗，劲辣！几时转左辣椒油架？咩牌子呀？一食飊汗！香辣无比非常刺激，我话晒都做左辣民几十年，居然会系苑记遇到对手！一羹够晒皮，辣味非凡，good！如果配潮州粉面一定更夹更好味！
太阳蛋牛扒出前一丁
94 浏览
0 赞好
0 留言
太阳蛋牛扒出前一丁
55 浏览
0 赞好
0 留言
张贴
