影片
更多
2015-05-12
699 浏览
约埋成班亲戚庆祝妈妈节，揾咗呢间一行9人食私房菜试下。第一次嚟要咗$288个餐。可能母亲节关系，全场爆满。前菜芝麻酱沙律水耕菜胀卜卜水，麻酱非常香，我成日食呢类沙律，呢间数一数二👍。拍青瓜脆但未够川麻辣，凉伴鲍鱼菇爽带麻油香。茶熏蛋衬鱼子咸香带熏味，底下嘅厚切茄子够实净。加咗虾兵蟹将$298，店方大方咁帮我免费加够9件冇额外收钱。啲鲍鱼有酒香又弹牙而且好大只😋，松叶蟹太冰冻鲜味稍逊，虾啲肉唔够弹，不过卖相先声夺人效果唔错。呢5款都响20分钟内送上，跟住就等咗约30分钟，再嚟咗个炖螺头汤，非常清甜，冇味精。中间姪女一直睇住我哋食冇份吃得个汤啱饮，扭计爆喊。问店方大约几时上蒸鱼，佢表示如冇特别要求将跟从菜单次序，为咗氹姪女，更主动送上出奇蛋，服务烫贴窝心😘。翡翠伴明珠原来系蛋白底有粒带子用菠菜汁打芡。蛋白有可以再松软啲，但卖相味道不错。鸳鸯虾原来用咗面包细粒包住炸虾，再用芥末、千岛两款酱汁，味道各异突出，由于材料靓，连面粉敏感嘅阿姨食咗都冇发作唔使食抗敏药。蒸海斑好大条，有少少黐骨，但咁大条好易过火太老或唔熟，呢条啱啱好，睇到厨师功架。胡椒炒双肉蟹，我要求减辣，啲胡椒味入哂啲肉，但又冇盖过
第一次嚟要咗$288个餐。可能母亲节关系，全场爆满。
前菜芝麻酱沙律水耕菜胀卜卜水，麻酱非常香，我成日食呢类沙律，呢间数一数二👍。拍青瓜脆但未够川麻辣，凉伴鲍鱼菇爽带麻油香。茶熏蛋衬鱼子咸香带熏味，底下嘅厚切茄子够实净。
加咗虾兵蟹将$298，店方大方咁帮我免费加够9件冇额外收钱。啲鲍鱼有酒香又弹牙而且好大只😋，松叶蟹太冰冻鲜味稍逊，虾啲肉唔够弹，不过卖相先声夺人效果唔错。
呢5款都响20分钟内送上，跟住就等咗约30分钟，再嚟咗个炖螺头汤，非常清甜，冇味精。中间姪女一直睇住我哋食冇份吃得个汤啱饮，扭计爆喊。问店方大约几时上蒸鱼，佢表示如冇特别要求将跟从菜单次序，为咗氹姪女，更主动送上出奇蛋，服务烫贴窝心😘。
翡翠伴明珠原来系蛋白底有粒带子用菠菜汁打芡。蛋白有可以再松软啲，但卖相味道不错。鸳鸯虾原来用咗面包细粒包住炸虾，再用芥末、千岛两款酱汁，味道各异突出，由于材料靓，连面粉敏感嘅阿姨食咗都冇发作唔使食抗敏药。
蒸海斑好大条，有少少黐骨，但咁大条好易过火太老或唔熟，呢条啱啱好，睇到厨师功架。
胡椒炒双肉蟹，我要求减辣，啲胡椒味入哂啲肉，但又冇盖过鲜甜味，伴碟啲红黄绿椒好惹味。很爱😍！
屋企成日炒杂菇，啲亲戚都盛赞好味，我就已经食到厌，但呢款黑松露炒杂菇带浓郁黑松露香，菇冇煮到腍pat pat，食到差唔多最后已经好饱都忍唔住食咗好多。
茶王熏鸡带有浓香茶熏味，离远都闻到，皮好薄又脆唔肥，连胸位都滑，一向唔食鸡皮嘅我再次破戒，而且食咗好多件😍。
清炒水耕菜又系我成日食到厌嘅菜心，而且呢个时间仲要唔系当造，但睇落晶莹剔透翠绿色，食落冇渣够嫩，我又系食咗好多😋瑶柱蛋白炒饭好干身，面嘅飞鱼子又系我最憎嘅材料之一，可能新鲜够卜啦，呢度整得好好味。呢次只吃小半碗。
上面8款𩠌饭响一个半小时内送上。
食到最后嘅两道甜品，一啲都唔hea，有个炸芋丸，外皮脆，里面软滑重芋味唔过甜；雪糕系成个波咁嘅有好多味，我试咗芋头好重味，绿茶系真绿茶味唔假，同样冇过甜，而且够软滑，冇粗雪粒或者气孔。我净系试过响日本料理店食过日本返货，呢度唔肯定系咪同货源。期间店方主动进出打点我哋嘅饮品要求、斟茶，我已忍唔住赞啲嘢食好味道。店方已表示今晚招呼不周，多多包涵。其实除咗碗碟冇乜换(我估计当晚太多枱客唔够人手)，同埋食咗3个钟头(讲真16道菜又好似差唔多)，其余招呼已超高水准，与许多五六星酒店、fine dining西餐厅有得挥👍最后我哋再次盛赞，店方有礼地请出厨师－原来系一个好有型嘅后生仔嚟㗎😱
除咗有天份，我相信厨师对饮食亦充满热诚，希望下次去有更多惊喜！
张贴
