我愛慢煮 (孖沙街) (已結業)

上个月和朋友去行完PQM后，去左依间同样在上环的普庆坊分店食，美味难忘事后朋友话又想encore。今晚去番近MTR 依间新店食，水准不俗好味依然。炸蕃薯条 $28入口香甜唔油腻，脆卜卜的口感令人食上瘾，想必是佐酒解口痕的必食之选。牛油卡真虾仁串 $36虾仁六只爽口弹牙，牛油和蒜粉调味煎得香口，味道满分。芝士温泉蛋大啡菇 $36半溶的芝士片盖住温泉蛋，叠在厚肉的大啡菇上，一刀㓥开蛋汁流出，见到仲唔流晒口水咩~墨西哥粟米花 $28粟米原条上，涂满牛油芝士粉非常美味可口，拎上手比较论尽，最后都系切粒食好。美式烟烤猪仔骨 $118大大件肉质嫩，BBQ酱汁劲多，味道唔错。法式油封鸭髀 $118鸭髀两只卖相靓仔，和朋友每人一只开心食。鸭皮薄肉质嫩油脂少，食落唔油腻亦唔膻，啖啖肉口感非常满足。无酱汁就咁食有啲寡，自行加了茄汁，味道出奇地夹几好味。慢煮白酒菠萝配意大利雪糕 $38新鲜大片的菠萝渗透了白酒香果味突出，加上薄薄的焦糖提升甜度，搭埋云呢拿雪糕冷热交融，合起双眼就是一种享受。