影片
更多
2013-09-10
1672 浏览
跟朋友同样系「点心爱好者」，成日心思思想去食，但两个人走酒楼又贵又唔知边间好食，最后上网查到呢间「点点心」又近工作地点，当然要嚟试下！点心款式唔少，但当然无酒楼咁多，不过好多点心都相当特别，喺一般酒楼唔会食到！因为两个都未食Lunch，所以担心剩要点心唔够饱，所以叫咗份 金银蛋瘦肉粥 ，其实就系平时食嘅皮蛋瘦肉粥嘅加咸蛋版，调味十足，就算唔加胡椒粉都好好味！不过为咗满足自己100%试味嘅心，紧系要加脆脆同胡椒粉啦！之后嚟紧就系 真系菠萝包 ，因为真系用菠萝做馅先会用叫呢个名，不过自己唔系太钟意食识嘅菠萝，所以好感一般。而且真系要趁热食，一冻咗就打哂折扣。饮茶又点少得 虾饺、烧卖、山竹牛肉呢三宝！虾饺 ，皮唔算太薄，但非常好食，而且馅有成3、4只虾，爽口非常！皮太薄反而会包唔到，超好食！烧卖 ，最意外地好食嘅一款点心！估唔到入面都系用虾做馅，仲唔只一只，今餐最钟意嘅点心！山竹牛肉 ，无咩惊喜，但比出面食嘅水准都要高。最后嚟嘅系 脆皮鲜虾肠 ，同样，肠粉皮唔算薄，不过入面嘅脆脆同虾都几好食。可惜自然反应下将豉油倒咗落去，先醒起会淋哂，好彩都救得翻，极速完食！
点心款式唔少，但当然无酒楼咁多，不过好多点心都相当特别，喺一般酒楼唔会食到！
因为两个都未食Lunch，所以担心剩要点心唔够饱，所以叫咗份 金银蛋瘦肉粥 ，其实就系平时食嘅皮蛋瘦肉粥嘅加咸蛋版，调味十足，就算唔加胡椒粉都好好味！不过为咗满足自己100%试味嘅心，紧系要加脆脆同胡椒粉啦！
之后嚟紧就系 真系菠萝包 ，因为真系用菠萝做馅先会用叫呢个名，不过自己唔系太钟意食识嘅菠萝，所以好感一般。而且真系要趁热食，一冻咗就打哂折扣。
饮茶又点少得 虾饺、烧卖、山竹牛肉呢三宝！虾饺 ，皮唔算太薄，但非常好食，而且馅有成3、4只虾，爽口非常！皮太薄反而会包唔到，超好食！
烧卖 ，最意外地好食嘅一款点心！估唔到入面都系用虾做馅，仲唔只一只，今餐最钟意嘅点心！
山竹牛肉 ，无咩惊喜，但比出面食嘅水准都要高。
最后嚟嘅系 脆皮鲜虾肠 ，同样，肠粉皮唔算薄，不过入面嘅脆脆同虾都几好食。可惜自然反应下将豉油倒咗落去，先醒起会淋哂，好彩都救得翻，极速完食！
题外话/补充资料：
点心真系高水准，而且价钱都只系比平时高少少，不过铺头几细，座位好密，坐得会有啲唔舒服，如果唔想塔台，最好就揾齐 4 or 6 个朋友去食用霸哂张台。
(以上食记乃用户个人意见 , 并不代表OpenRice之观点。)
张贴
