名川苑雞煲火鍋 (已結業)

呢d天气最岩就系打边炉食鸡煲嫁喇前日就约左一大班朋友去食鸡煲拣左呢间试下，因为见佢好似有好多唔同类型既鸡煲。一入到去见到一个应该系老板娘既人，好好礼貌，招呼我地入去坐左之后就介绍佢地既野食。个人开心，食都食得开心！值得一赞因为同行既朋友唔食辣既，我地就拣左老板娘推介既茶树菇鸡煲同芝士虾煲。讲左个芝士虾煲先！因为太太太太好味喇！芝士味好重，但又唔会觉得好油腻既感觉！加埋d虾简直绝配！平时唔钟意用手食虾既我都食左好多只。每只虾都拉出一条条芝士丝！正呀食完再加乌冬落去！咁先叫识食！再到茶树菇鸡煲，d鸡都好滑又入味！又好好食㖞！原本仲担心唔夹！我地成班朋友争食茶树菇食完再加其他火锅料落去，都唔错㖞！d料都算新鲜，至爱墨鱼滑！好弹牙好有口感！佢个度仲有d熟食嫁！等紧d野熟可以叫d黎食住先。我地就叫左个好似叫烧羊腩仔同埋鸡皮。个人对鸡皮麻麻地，不过同行朋友话好好食。个羊腩仔超正都系老板娘推介的，不过稍为咸左少少，可以用黎送酒下次会再黎！