芝華園快餐廳

营业中

休息中

复活节假同邻居一齐去西贡行山。因为大埔广福道有直接车喺假日入北潭涌，所以就嚟咗广福邨揾间店食早餐。想试呢一间茶餐厅好耐，因为佢装修比较有旧香港嘅味道。去得茶餐厅当然唔可以唔试沙嗲牛肉，超惊喜喺呢度有濑粉，真系好少地方而家仲会有濑粉食，咁当然叫啦。同埋唔知点解平时都好少叫多士烘底，但系今次就劲想食。好多时系有惊喜嘅，沙嗲牛肉就唔算特别，但系濑粉渌得几好食，唔会中间有啲未熟嘅感觉。个午餐肉都煎得好脆口，另外杯斋啡走甜，咖啡底做得唔错，唔会有苦涩味。虽然屈入街市先至揾到呢间茶餐厅，但系我觉得都算方便，有机会会再嚟试其他嘢食。