五目屋

营业中

休息中

香港主打蛋包饭餐厅开到成行成市，要突围而出绝非易事。呢间位于湾仔嘅餐厅可谓其中既表表者，份量多兼且价廉物美。我地分别点左两个套餐同几款小食。首先点左个人气之选特制吉列猪扒蛋包饭，炸到金黄爽脆嘅猪扒，配埋店方自家配方调制嘅日式咖哩汁，完全满足到洋食派的喜好!日式咖喱蛋包饭当然系必食啦， 咖喱嘅味香浓，微甜辣， 搭配煎得软嫩适宜嘅滑蛋包裹嘅米饭喺口中咀嚼之后，层层滋味完美融合。跟住叫左条蒲烧鳗鱼蛋包饭，喺坊间完全食唔到咁大条嘅鳗鱼，加上秘制嘅烧汁，顿时令胃口大开。套餐除咗包括主食外，仲配埋沙律同餐汤/餐饮。我地就叫左餐汤，是日餐汤系南瓜啡菇汤，碗汤色彩鲜艳，南瓜味好出，配以菇类相当有嚼头!小食方面，我地就叫左一客野菜同炸生蚝，蔬菜十分新鲜，用吉列方法将生蚝炸至脆卜卜，吃时外层酥化、内里多汁鲜甜，伴以柚子蛋黄酱，味道清新不腻，特别香脆。做出来的味道和口感，绝对能媲美大排档。