LAVA Bar & Restaurant (已結業)

太子呢条街入夜之后酒吧餐厅就会愈来愈多人，今晚去饮嘢之前就先来呢间lava食晚餐，水准唔错有惊喜。meun清楚简单，饮品嘅选择都唔少。各人点左一杯水果smoothie$68，好重奶味，饮落似水果奶昔，我自己个杯士多啤梨奶昔，饮得出士多啤梨嘅味道，朋友𠮶杯芒果奶昔，奶味较抢。西班牙薯仔奄列＄72，细细碟，作为前菜啱啱好，薯仔轻轻煎过，味道好香，奄列好厚身，食落好有层次感。牛腩手工包千层腐皮＄69，真系第一次试，外面系中式蒸包皮，牛腩够淋而且入味，腐皮增加口感，上面嘅洋葱仲系自家制，呢样真系几特别。西班牙海鲜炒饭＄260，食西班牙菜当然要叫返一份海鲜炒饭，佢哋可以选择加龙虾，就价钱大约三百几蚊，今晚我哋就无叫，但呢个都唔少野，海鲜饭系偏硬身个款，配上海鲜汤煮饭，完全吸尽精华。上面有虾，蚬肉，鱿鱼，同埋辣肉肠，味道较重，整体非常好食。