美味故事 (已結業)

如果讲起旺角食西餐，大家一定谂到普通有个扒有餐饮𠮶类，呢间楼上店系一大惊喜。一个晚餐好似full set咁，先嚟一个餐前饮品，然后有汤、沙律、小食、主菜、甜品、和餐饮。一点完餐就即上餐前特饮芒果汁，好清新。好快就上埋沙律和小食，多士好脆，沙律个汁好味，份量都够。主菜个虎虾好爽，要提一提个汁都好香，可能有忌廉或者橄榄油，所以好滑，甜品和餐饮就比较大路，不过都系中上水平。要提一提，佢哋个餐牌有写，可以折扣价加第二份，所以最好双数人数或者上去前谂好点叫，会比较抵。另外，用餐当晚佢哋booking 系满，因为我6点一位walk-in，先至安排到座位，要7:15离座。