Homeland (東昌街) (已結業)

昨晚我同朋友去咗呢间大埔嘅Homeland Kitchen，真系令人惊喜！我哋叫咗一堆嘢食，碟碟都好鬼好味！首先我地叫左烟三文鱼凯撒沙律，啲沙律菜好新鲜好脆，加埋烟三文鱼嘅烟熏香气，真系好开胃！我地仲试左佢地既法式龙虾汤，啲汤底浓郁鲜甜，有小小龙虾肉，饮落去咸度岩岩好，龙虾味好出！再嚟就系冬阴功赤虾阔条面啦，辣度就适中啦，岩晒我呢d唔食得辣既人，赤虾同面条嘅味道搭配得好完美，食完都想叫多碟！之后又叫咗伊比利亚猪肩肉加薯菜，猪肉要左8成熟，煮得好滑好嫩，肉汁好juicy，同埋啲薯菜清甜好好食。跟餐仲可以叫一个小食，我地选左香草牛油白酒煮青口，啲青口鲜美多汁，白酒香浓，只只都好肥美！有嘢食当然都要有嘢饮，我地叫咗黑糖红茶鲜奶同红玫瑰花茶，两样都好好饮！黑糖红茶鲜奶完全拍得住d茶饮店质素，红玫瑰花茶就更加无得顶，单睇个样都觉得正，仲要有有淡淡玫瑰花香，好chill！今次Homeland Kitchen嘅菜式真系好惊喜好好味！估唔到可以食到一次咁特别既意大利餐，可以睇到到厨师嘅用心同技巧！如果你想揾一个高质素又可以静静地chill下嘅意大利餐厅，就记得去Homeland Kitchen啦！