御膳

营业中

休息中

今晚同屋企人出去观塘食饭，佢地钟意食中菜，于是就去左我朋友之前介绍既工厦中菜私房菜。菜式好多都好吸引，主打功夫菜，我地叫左蒜蓉粉丝蒸蛏子皇、荔茸百花卷、卤水拼盘、白胡椒炒大肉蟹、台山菜花啫西班牙猪脾肉、葱油鸡。蒜蓉粉丝蒸蛏子皇蛏子鲜甜无沙，粉丝索哂啲精华，变埋做主角。荔茸百花卷用艼头搓成艼泥，包裹住海虾肉，系餐厅其中道招牌菜。卤水拼盘卤水好香，味道特别，应该系师傅用左佢自己既家传秘方，呢个系必食之选。白胡椒炒大肉蟹煮法上有唔同选择，唔辣可以拣花雕鸡油蛋白蒸、姜葱炒或者古法蒜子。辣就有避风塘炒、四川香辣炒或者水煮。我地食得辣就拣左避风塘炒，超级惹味。芝士花龙虾龙虾可以斩件或者可以开边，配埋芝士，简直绝配。台山菜花啫西班牙猪脾肉餐厅用煲仔上，保持温度够热又够香，十分细心。而且食得出唔系普通猪，真系用西班牙猪，因为猪肉口感同味道都好正，无花无假。葱油鸡葱油食得出系花左心机整，好香好够味，配上嫩滑鸡肉，岩哂一家大细。另外值得一提，呢度任何酒类系任带，免开瓶费，而家出面其他餐厅，闲闲地收50至100开瓶费。