東海堂 (港鐵美孚站)

营业中

休息中

早前1月尾应邀出席咗东海堂「恋の盛宴」情人节蛋糕嘅发布试食会，当日已经先试为快两个焦点蛋糕「白い草莓」及「赤い草莓」，尤其前者，一期一会嘅珍罕之味，相信一众出席者已心感满意足。谁知惊喜岂止如此，店方更慷慨送赠每位一张「心の恋人」换领券，让大家于情人节前夕可以再次品尝到士多啤梨嘅魅力。「心の恋人」跟cake little系列嘅蛋糕差唔多大细，最适合3-4人分享，而包装小巧精致，饼盒设计亦便于携带。其实「心の恋人」（$138）喺杂莓慕丝蛋糕，先讲外型，立体红心为记，配以格仔网纹，并用特制喷枪做出红粉绒面，卖相雅致，极具心思，又有种让人感到甜蜜幸福嘅感觉，非常浪漫。蛋糕底层及中层喺原味海绵蛋糕，配上杂莓慕丝及新鲜士多啤梨果肉，慕丝做得柔滑轻盈，酸中带甜，甜酸度够晒平衡，如果多啲士多啤梨果肉就更正。虽然食评出街之日已经过晒情人节，但要氹你嘅至爱，唔讲你都一早知要做乜嘢啦。