越之味 (德民街) (已結業)

成日钟意同朋友试新野，今日黎到红磡呢间新开既越南餐厅。店内装修富有越南色彩，虽然空间唔算大，但都坐得舒服。🛋同朋友每类食物都想试，就点左佢地既招牌菜1）越式蟹膏蟹肉汤金边粉2）招牌越式法包3）慢煮烤牛肉吐司4）肝酱扎肉米卷饮品就点左靓女老板娘推介既玫瑰卢荟茶🌷先讲招牌越式法包，有得拣硬包或软包，因为平时食开都系硬包，所以今次呢度试食软包，惊喜地个包系超脆，亦同入面个酱汁好夹。然后黎一个烤牛肉吐司，吐司又系非常脆身，𠮶酱汁连埋牛肉亦配合得好好。跟住到蟹膏蟹肉汤分边粉，汤底好浓好鲜味但又唔觉得佢同平时出面食越南粉既铺头落左好多味精，d粉完全吸收左汤既精华，食到唔停口。除左蟹肉，仲有只大虾，配埋香浓既牛油系面，成碗汤粉都觉得佢做得好出色。至于肝酱扎肉米卷，感觉清新，可能之前既食物味道较浓郁，所以觉得呢个无咩特别，如果一开始食呢个小食先应该会好d！最后杯玫瑰卢荟茶，玫瑰味好香浓，冬天饮啱晒！总括黎讲，呢间铺头系值得一试，好味又抵食，今次得两个人，所以点既菜式唔多。下次都会再约朋友试埋其他招牌菜。