孖寶車仔麵 (已結業)

荃湾有好多间车仔面店，但就无一间近荃湾西铁附近，今日食lunch经过呢间孖宝车仔面新开，梗系叫埋同事嚟试下啦！原来呢间铺头系分店，仲入围左OpenRice热店，应该唔会伏嘅！喺order纸剔好食咩后，就拎去cashier落单俾钱。今次我拣左油面、墨鱼丸、斋、鱼肉春卷，汤底系秘制酱。先讲汤底，以前食开嘅秘制酱通常都会辣、惹味，但呢度嘅秘制酱唔会辣，反而有种唔识形容、咸咸地嘅味道，几特别！呢度嘅斋唔系甜酸斋，系似咖哩斋戈款面根，但个人钟意甜酸斋多d。最惊喜都系鱼肉春卷，新鲜炸起，好似有d芋头味，好香口！其实仲叫左肠粉，都好滑，有sir落喉咙嘅感觉。同事们都对呢度有高度评价，肯定会再嚟食lunch！😊