影片
更多
2019-10-01
1095 浏览
成日都会系晏昼经过呢间舖头，见佢乌灯黑火以为执笠多时。有日夜晚忽然想出街食，临时临急仲订到位， 见过地址竟然系𠮶间日本舖， 所以即管去试试， 结果…… 难怪佢净系做万事都已经够。舖头唔算大， 一般小舖嘅装修， 我哋够食得早， 肥仔老公坐落都唔觉得迫夹。 我哋要咗个二人餐， 有沙律，刺身， 炸蚝，羊架，乌冬，另外再叫咗个野菜牛肉锅。沙律先到， 落咗我平时最憎食嘅牛油果， 不过唔知佢点处理，竟然一啲怪味都冇，口感做好好， 第一次觉得牛油果唔难食。跟住上刺身，都几新鲜， 合格以上但唔算出采。跟住就上个牛肉锅， 一上嚟就见到个汤，浓到好似汁咁， 担心佢会唔会好浓味，杰挞挞。估唔到滚起之后，计算埋啲蔬菜会出水，味道刚刚好，牛肉份量唔少，味道简直 一流。跟住上炸蚝，外脆内软，加埋个柠檬汁，食落去好清新，一啲都唔觉得油腻。之后上羊架，我平时麻麻地羊，觉得骚，只系食咗一嚿， 老公钟意食羊架多啲，话好耐都冇食过一间嘅羊扒系唔柴唔韧， 觉得好好食。食食下一个野菜乌冬就整好上枱，一人一碗， 呢个先系全晚嘅惊喜。 望落去， 真系杂菌野菜乌冬， 咩菜都有啲，连韮菜都有。 饮一啖汤底，哗！ 清淡得嚟唔淡，食得到啲
舖头唔算大， 一般小舖嘅装修， 我哋够食得早， 肥仔老公坐落都唔觉得迫夹。 我哋要咗个二人餐， 有沙律，刺身， 炸蚝，羊架，乌冬，另外再叫咗个野菜牛肉锅。
沙律先到， 落咗我平时最憎食嘅牛油果， 不过唔知佢点处理，竟然一啲怪味都冇，口感做好好， 第一次觉得牛油果唔难食。
跟住上刺身，都几新鲜， 合格以上但唔算出采。跟住就上个牛肉锅， 一上嚟就见到个汤，浓到好似汁咁， 担心佢会唔会好浓味，杰挞挞。
估唔到滚起之后，计算埋啲蔬菜会出水，味道刚刚好，牛肉份量唔少，味道简直 一流。
跟住上炸蚝，外脆内软，加埋个柠檬汁，食落去好清新，一啲都唔觉得油腻。
之后上羊架，我平时麻麻地羊，觉得骚，只系食咗一嚿， 老公钟意食羊架多啲，话好耐都冇食过一间嘅羊扒系唔柴唔韧， 觉得好好食。
食食下一个野菜乌冬就整好上枱，一人一碗， 呢个先系全晚嘅惊喜。 望落去， 真系杂菌野菜乌冬， 咩菜都有啲，连韮菜都有。
饮一啖汤底，哗！ 清淡得嚟唔淡，食得到啲蔬菜嘅清甜味， 有层次得嚟唔会打交，真系好夹。夹住乌冬同汤一齐食，感动！ 好耐都冇食过啲乌冬烟韧得嚟唔酸！ 配埋其他材料同汤底， 本来已经饱饱哋想放弃，都忍唔住要食晒佢。
到咗食饭时间，间铺坐满人，有情侣又有一家大细同个姐姐， 仲不停有速递员过嚟接单送外卖。 呢间嘢啲出品实在太出色，所以净系做晚市都够，就连我哋个跟餐甜品，都系甜而不腻，冻而不硬，唔怪得咁多人帮衬！
张贴
