影片
更多
2023-05-29
174 浏览
今日经过海洋公园，心思思想睇下南区有冇小炒出色既大排档，估唔到只系隔三个地铁站距离既海怡半岛附近就有一间，而且由海洋公园站去只系要15分钟，真系啱哂一家大细去完海洋公园之后揾好野食医肚啊😆餐厅位于鸭脷洲邨街市既1楼，离远望就已经见到有个大logo写住餐厅名「蟹点」，绝对唔洗惊会揾错地方或者揾唔到。相比好多街市既露天大排档，呢到既感觉系明显干净企理同舒适好多。餐厅既座位有分室内同室外，室内有提供冷气，就算夏天去食都唔怕食到身水身汗，而且空间好阔落，一啲都唔会觉得好逼。至于室外亦都有提供唔少既枱，钟意体验露天大排档风味既就啱哂啦。餐厅既主打系中菜小炒同泰国菜，菜单上既选择非常多，就算亲戚朋友既口味唔同都唔洗担心拣唔到野食。🎈金沙鲜鱿 $138第一碟上黎既就系金沙鲜鱿。炸粉唔会太厚，只系啱啱好咁包住块鲜鱿，而且刚刚炸起所以好脆口，配埋金沙咸蛋黄酱味道好夹，值得推介。🎈蒜蓉粉丝蒸大元贝(4只) $188元贝既肉好厚身，配上蒜蓉啖啖肉真系好满足，而火候都控制得啱啱好，蒸得相当唔错。🎈招牌白胡椒蟹(大只) $698终于到咗最期待既白胡椒蟹啦。果然名不虚传，未上枱就已经闻到好香既白胡椒味，忍唔住流口
餐厅位于鸭脷洲邨街市既1楼，离远望就已经见到有个大logo写住餐厅名「蟹点」，绝对唔洗惊会揾错地方或者揾唔到。相比好多街市既露天大排档，呢到既感觉系明显干净企理同舒适好多。餐厅既座位有分室内同室外，室内有提供冷气，就算夏天去食都唔怕食到身水身汗，而且空间好阔落，一啲都唔会觉得好逼。至于室外亦都有提供唔少既枱，钟意体验露天大排档风味既就啱哂啦。餐厅既主打系中菜小炒同泰国菜，菜单上既选择非常多，就算亲戚朋友既口味唔同都唔洗担心拣唔到野食。
🎈金沙鲜鱿 $138
第一碟上黎既就系金沙鲜鱿。炸粉唔会太厚，只系啱啱好咁包住块鲜鱿，而且刚刚炸起所以好脆口，配埋金沙咸蛋黄酱味道好夹，值得推介。
🎈蒜蓉粉丝蒸大元贝(4只) $188
元贝既肉好厚身，配上蒜蓉啖啖肉真系好满足，而火候都控制得啱啱好，蒸得相当唔错。
🎈招牌白胡椒蟹(大只) $698
终于到咗最期待既白胡椒蟹啦。果然名不虚传，未上枱就已经闻到好香既白胡椒味，忍唔住流口水。店员之后会淋上白胡椒汁，令到香味更加升华。蟹可以选择大蟹同超大蟹，重量会有唔同，不过今次叫既大蟹已经好大只，两三个人食都好足够。蟹肉新鲜同好鲜甜，微辣既白胡椒味道亦超级惹味。值得一赞既系店员会帮手好细心咁将蟹钳既壳敲碎，咁就食得更方便啦。
张贴
