Bubble Tree (成業工業大廈)

营业中

休息中

新年之后，好耐冇出去食饭，放工之后就同朋友去咗观塘工业区附近食饭。观塘区出名多隐世小店，今次揾咗间Bubble Tree，见OpenRice好多人推荐盖饭，就试左：日本飞驒牛汉堡滑蛋盖铁板拌饭(free 餐汤及饮品）个牛肉真系好香浓，肉汁有多，仲有个滑蛋有好多芝士，有拉丝效果😍另外on top加咗个大啡菇，好厚身。啲饭用咗红米饭，非常健康，捞埋啲汁甜甜哋好好味😋跟餐有汤同嘢饮同汤，叫咗南瓜汤同埋热柠水。个汤香浓，每一口都好creamy 。另外叫左份无花果巴马火腿沙律，完全估唔到佢咁大份！除咗新鲜嘅沙律菜，仲有蝴蝶粉同荞麦，两个人都食唔晒，最后仲可以打包拎走。叫沙律都可以加钱叫嘢饮，加左$28饮热情果梳打，你仲有半个热情果，同埋成樽狮头梳打水，绝对足料。另外仲叫咗碗紫薯汤，应该真系成只紫薯打出嚟，饮完个汤其实都几饱。🍫朱古力心太软最后梗系要食埋个甜品，叫咗心太软，朱古力好香浓，配埋绿茶雪糕好夹。整体来讲，食物质素唔错，份量好大，而且价钱好超值，好适合月尾冇乜钱剩，但又想食好啲。