何車車仔麵 (界限街) (已結業)

周末夜晚系太子觅食，被呢间装修貌似Coffee shop嘅💛车仔面小店吸引咗我嘅目光。小店座位唔多，大概可以坐到3-4台，但整体环境舒适洁净。门外不时就会出现排队堂食嘅人龙同买外卖嘅街坊。舖头入面仲有好得意嘅连登猪卖！！-✨老何面十𩠌： （材料有猪皮、猪肠、猪红、萝卜、鸡翼尖、鸡翼、鱼蛋、肥牛、何车水鱿、烧猪颈肉）呢款10𩠌面完全满足左选择困难症嘅朋友仔，丰富嘅材料令人食得非常满足。不得不说，一开始本来系抱住支持本土小店嘅心态去食，点知味道却非常有惊喜，一啲都唔输好多出名嘅车仔面店。烧猪颈肉外脆内嫩、肥牛牛味浓郁，萝卜香甜无渣、陈皮鱼蛋扎实弹牙，系少有地，令B仔留下深刻印象嘅小店。另外，佢哋喺汤底亦落咗唔少心机，秘制汤底用咗大量天然香料熬制，一洗车仔面汤底一贯嘅颓风，里面嘅材料有八角、草果、桂皮、果皮、丁香、花椒、川芎等等，中意食辣嘅仲可以加辣汁、咖喱同麻辣。-✨饺子鸡翼大大只好足料，咬落去，入边嘅明太子就爆晒出嚟，口感与味道俱佳。-✨黑松露捞面材料自选，而我就拣选咗日式叉烧、鱼腐、糖心萝卜、汁煮青菜、温泉蛋同妈妈水饺。未食已经闻到浓浓嘅黑松露香气，食落面质爽口弹牙。叉烧肥美、鱼腐软