Outdark (飛達商業中心)

营业中

休息中

之前见唔少blogger都有介绍呢间韩国餐厅， bookmark咗好耐，决定同朋友试一试系咪真系咁正。餐厅嘅设计真系几有心思，打卡一流，又有韩国特色。最重要系坐得舒服，每张枱空间阔落。-芝士炒鸡 $328炒鸡份量颇多，仲有香辣年糕、炉边蛋、紫菜饭、菠萝粒、泡菜。辣酱食落似微辣嘅咕噜肉甜酸汁，配年糕辣度适宜。水牛车打芝士占咗大半份量，卷埋鸡件同年糕同食超正。轻易做到疯狂拉丝效果，芝士迷必试！-炸酱面 $98同韩国食到嘅味道差唔多，以黑豆制成嘅酱汁浓郁丰厚，配上猪肉薄片、青瓜丝、鸡蛋，面条带韧劲，甚有韩式风味。-炭豚饭卷 $88饭卷足料，有炭烧豚肉、黄萝卜、鸡蛋、青瓜等配料，加上黑白芝麻作点缀。-苹果芒果米酒 $135以碗作杯嘅米酒，份量颇大，二人可饮到4-5碗/位。加入咗好多碎冰，淡化咗米酒嘅甜度，同时影响口感。入口亦唔太觉有果香，唔加入碎冰可能会好啲。