家後2.0

营业中

休息中

想试家后嘅巴斯克芝士蛋糕好耐，发现原来佢已经系同区开咗间分店，叫家后2.0，装修偏向文青café风，坐得舒服，但系价钱同本店一样，非常抵食。大堆小笼包猪肉煎饺! 小笼包就食得多，整成煎饺真系第一次见。煎饺做到爆汁，一口咬落去非常多汤汁，饺子皮即叫即煎，好够脆，超好食。另外嗌咗双拼灼饺，云椰菜猪肉同菠菜猪肉饺都好足料，大大只劲饱满，皮厚度适中，汤底系西洋菜汤，真系好有家嘅感觉，好味又健康。当日见到店员坐系一边即场包饺子，真系新鲜即整，睇到安全又放心。加咗四只沙姜鸡翼，好入味，煮得够𩠈，皮香肉嫩。重头戏系我最期待嘅巴斯克芝士蛋糕，开心果味好惊喜，开心果味浓郁，两款都做到半熟个种creamy嘅口感，唔会过甜，一人一个都唔腻，而且性价比真系超高，系某啲cafe嘅一半价钱… 嘢饮都有好多选择，居然有咖啡饮， 超级推介大家过嚟试下。