琥酌 (已搬遷) 新店位置

一直好想食吉列牛，趁friend生日一早就book左枱嚟食饭庆生！环境宁静舒适，啱晒慢慢倾计食饭！前菜够晒开胃醒神！顶级安格斯牛吉列御膳，有个小火炉慢慢烧，部位系美国安格斯肩胛肉，油花唔算多但一路烧住啲牛味劲出，仲要入口juicy肉嫩。另外仲配有个蔬果盘仔，放系侧边烧一烧就食得，食下牛又食下蔬果refresh下感觉非常之正。蒲烧鳗鱼丼，鳗鱼好香好肥美，入口冇咩幼骨。明太子玉子烧，睇个卖相唔错，外皮啲蛋实得嚟都仲好嫩，包住啲明太子超级有口感，卖相同味道都好好。厚烧牛舌同盐烧安格斯牛肉串，厚切嘅牛舌真系冇得弹！好有口感，咬落一啲都唔韧。一串安格斯牛肉串有4粒，每粒都大大粒，一口一啖安格期不得了。呢餐生日饭绝对冇拣错，系高质嘅晚餐。