甜公館

营业中

休息中

饭后一点甜，去咗佐敦doux 食埋甜品先返屋企。甜品店门口有个心形卡座，好吸睛。Menu 好丰富，西式日式同中式都有。日本抹茶蒙布朗配榴梿雪糕球及曲奇雪糕（$62）：第一次食系日本近年大行其道嘅蒙布朗，呢款甜品系由栗子制成。我叫呢款系日本抹茶味，抹茶味非常浓郁，而且系我哋钟意𠮶种甘香既抹茶味道。配上冰冻嘅榴梿及曲奇雪糕一齐食，估唔到都好夹。榴梿炖椰皇（$76）+ 雪燕（$12）：卖相一百分！上枱时飘住白烟。大大嚿嘅榴梿蓉喺甜品面。蛋白非常非常咁嫩滑！清甜嫩滑嘅椰皇蛋白，加上浓味嘅榴梿蓉，再加上养颜嘅雪燕，味道层次同口感都非常丰富。佢仲有个小小嘅啫喱用另外一个器皿同椰皇一齐上，估唔到咁重椰青水味，好有惊喜。