The Balcony (已結業)

收左工，想同好朋友揾个舒服的环境倾下计同食饭，经朋友介绍，就试一试。咁我地两个人就叫左个set dinner，有沙律，有汤，两个前菜，两个主菜同埋一个甜品。佢个秘制龙虾汤非常香浓顺滑，系真材实料的味道，极度推介!我同朋友都觉得呢度的菜式都几有新意。先讲下西班牙猪扒配香菇意大利饭，西班牙猪扒肉质虽然唔算嫩，但味道控制得非常好，而且好juicy，不错!佢个香菇意大利饭香菇味极重，中意食香菇的人就至啱。而不得不说我超中意呢个新西兰鳕鱼柳配泡菜茨茸。非常创新，但味道又出奇地夹，正! 新西兰鳕鱼柳外脆内嫩，调味适中，好味!而个泡菜茨茸，口感更丰富。甜品就系姜味雪糕，一试难忘!